Кожны год асноўны фонд Вілейскага краязнаўчага музея павялічваецца больш чым на 200 адзінак. На 1 студзеня 2024 года колькасць адзінак складае 25 963 музейных прадмета. Але як правіла ўнікальныя і цікавыя музейныя прадметы з новых паступленняў не адразу трапляюць на экспазіцыйную прастору. Чаму, як кажуць спецыялісты музейнай дзейнасці – музейныя прадметы знаходзяцца ў запасніках і не пакідаюць памяшканняў фондасховішча? Прычын можа быць некалькі: недахоп экспазіцыйных плошчаў пры вялікай колькасці асноўнага фонду, несуадносіны прызначэння музейных прадметаў і тэматык экспазіцый, стан захаванасці музейных прадметаў, які не дазваляе нават кароткага экспанавання і іншыя.

Таму з гэтага года мы вырашылі, што у нас з'явіцца новая рубрыка "Топ_5", у якой мы будзем вас знаеміць з пяццю ўнікальнымі, незвычайнымі, нетыповымі музейнымі прадметамі, якія паступілі ў асноўны фонд за мінулы год.

І так, пачынаем: год 2024.

Пасведчанне асобы № 48329 на імя Бохана Мікалая Якаўлевіча

служачага 3-га ўчастка Службы Цягі Паўночна-Заходніх чыгунак;

Цэнтральная Друкарня Літаграфія Мінкова М.Я. (г.Санкт-Пецярбург).

Расійская дзяржава. 16 красавіка 1919 г.

Кубак. Вытворца "Товарищество производства фарфоровых,

фаянсовых и майоликовых изделий М.С.Кузнецова".

Расійская імперыя; 1910 - я гг. (да 1917 г.)