Гісторыя залы выстаў

У 1997 г.  паводле пастановы Вілейскага райвыканкома у асобным будынку адкрыта выставачная зала імя Нікадзіма Сілівановіча (1834-1919), акадэміка жывапісу Расійскай Акадэміі мастацтваў, ураджэнца Вілейшчыны.  

Амаль кожны месяц тут адчыняюцца новыя выстаўкі: мастакоў, народных майстроў, выставы з фондаў розных музеяў. У выставачнай зале пастаянна экспануецца  копія карціны Нікадзіма Сілівановіча "Салдат з хлопчыкам" (1866), з арыгіналу Нацыянальнага мастацкага музея Беларусі. А таксама у зале выстаў з 2008 года пачалі працу два новыя праекты: “Гістарычныя вандроўнічкі” , “Горка “па-беларуску”, «ART-VILEYKA», "Тыдзень калекцыянера".

Праект “Гістарычныя вандроўнічкі” існуе у выглядзе заняткаў-гульняў для выхаванцаў дзіцячых садкоў і вучняў пачатковай школы і ў выглядзе заняткаў-лекцый для вучняў старэйшых класаў разлічаны на 2008 – 2009 навучальны год. Яго галоўная мэта: у забаўляльнай форме гульні на працягу года знаёміць і даваць першапачатковыя веды па беларускай культуры, традыцыям і абрадам, народным промыслам і рамёствам, беларускаму фальклору.

Праект “Горка “па-беларуску” –  гэта абрад традыцыйнага беларускага вяселля для маладых. Пад гукі старажытных песень маладых сустракаюць хлебам-соллю, частуюць медавухай, на дабрабыт і доўгае жыццё маладыя праходзяць пад вясельную арку-шчасця, іх абсыпаюць зернем, праводзяцца магічныя вясельныя дзеянні, якія прадказваюць маладым шчаслівую і багатую будучыню, рытуальныя дзеянні, якія забяспечваюць благаславенне продкаў, старажытны вясельны абрад “пераходу”, а таксама вясельныя гульні і гаданні.

Праект ART-VILEYKA»  быў распрацаваны як культурна-адукацыйны праект аб сучасным беларускім мастацтве. На працягу года кожную суботу месяца адбываюцца лекцыі для шырокага кола  наведвальнікаў залы выстаў, у рамках якіх ідзе гаворка аб сучасным візуальным мастацтве Беларусі (сучаснай фатагарафіі, жывапісе, перформансе, мультыплікацыі і інш.) у даступнай і адначасова цікавай для гледачоў форме.

Культурна-выставачны адукацыйны праект «Тыдзень калекцыянера». Штомесяц, на працягу года віляйчан і гасцей нашага горада музей знаёміць з цікавымі прадметамі з прыватных калекцый, калекцый - захапленняў вілейчан і фондавых калекцый музея: нумізматыка і баністыкі; филумения (запалкавыя скрынкі); фалерыстыка (значкі і ўзнагароды); глюкофилия і теанатофилия (цукровыя і гарбатныя пакуначкі); шелонофилия і совы (статуэткі чарапах і сов), ксирофилия (небяспечныя брытвы) і іншыя.

Выставачная зала музея імя Н.Ю Сілівановіча падтрымлівае статус культурна-выставачнага цэнтра горада. Тут штомесяц адкрываюцца новыя выставы, праходзяць цікавыя сустрэчы, прэзентацыі. Штогод Вілейскі музей арганізоўвае і праводзіць серыю музейна-адукацыйных праектаў, накіраваных на папулярызацыю музейных калекцый, розных відаў мастацтва і навукі.
Велізарная праца праводзіцца ў кірунку сучаснага мастацтва. У 2012 годзе дзяржаўная ўстанова "Вілейскі краязнаўчы музей" на Першым Нацыянальным форуме "Музеі Беларусі" стаў пераможцам у намінацыі "Лепшы музей па арганізацыі культурна-адукацыйнай дзейнасці" за рэалізацыю ў 2011-2012 гг. праекта па папулярызацыі сучаснага мастацтва "ART-Vilejka". У 2013 годзе Вілейскі краязнаўчы музей стаў прызёрам праекта "На шляху да сучаснага музею» ў намінацыі папулярызацыя сучаснага мастацтва. Сярод знакавым мерапрыемстваў у 2013 годзе з'яўляўся скульптурны пленэр студэнтаў аддзялення скульптуры Беларускай дзяржаўнай акадэміі мастацтваў, прысвечаны 120-годдзю мастака-авангардыста В.Стреминского, вучня Казіміра Малевіча