Выстаўка Эдуарда Мацюшонка "ДЗЯДЫ"

24 кастрычніка 2014 года ў 17.30 у выставачнай зале імя Н.Сілівановіча адбудзецца адкрыццё выстаўкі Эдуарда Мацюшонка "ДЗЯДЫ".

Выстаўка праводзіцца напярэдадні свята "Дзяды”. Галоўнай тэмай з’яўляецца разважанне аб месцы чалавека ў гэтым свеце, яго адносіны да продкаў, сваёй айчыны. Гэтае разважанне дапамагае больш глыбока зразумець сябе і той час, у якім мы жывем. Падчас выстаўкі будзе зладжаны пэрфомэнс, у якім змогуць прыняць удзел усе прысутныя. Як адзначае Эдуард Уладзіміравіч: "Хацелася б, каб на гэтай выстаўцы кожны адчуваў сябе не толькі госцем, але тым чалавекам, які сам ладзіць гэтую выстаўку. Тады тэма "Дзяды” будзе больш сугучна не толькі з мерапрыемствам, але з тымі духоўнымі сувязямі, якія мы павінны адчуваць да пакаленняў, якія жылі да нас, і дзякуючы якім мы зараз жывем тут”.

Працы, якія будуць прадстаўлены, уводзяць у глыбокае разуменне роду, разуменне таго, што мы только адна звяно вялікага ланцужку.

Пад час імпрэзы выступяць музыкі.

Чакаем усіх жадаючых