Прэзентацыя кнігі “Уладзімір Слабодчыкаў. Скульптура”

 17 красавіка а 15 гадзіне ў зале выствак імя Н.Ю.Сілівановіча ДУ “Вілейскі краязнаўчы музей” адбудзецца прэзентацыя кнігі “Уладзімір Слабодчыкаў. Скульптура”, якая выйшла ў 2014 годзе, у выдавецкім доме “Звязда” пры падтрымцы Міністэрства інфармацыі Рэспублікі Беларусь.

Уладзімір Слабочыкаў – вядомы беларускі  скульптар, узначальвае кафедру скульптуры Беларускай дзаржаўнай Акадэміі мастацтваў.  Нарадзіўся Уладзімір Слабодчыкаў у в. Даўгінава Вілейскага раёна. Скончыў школу, паступіў у Беларускі дзяржаўны тэатральна-мастацкі інстытут на аддзяленне скульптуры. Вучыўся ў народнага скульптара Беларусі А.Анікейчынка. Удзел у выстаўках пачаў прымаць яшчэ падчас вучобы ў 1973 годзе, а дыпломная работа У. Слабодчыкава “На лесах” была адзначына бронзавым медалём ВДНГ СССР.  На працягу 15 гадоў пасля заканчэння інтстытута  выкладаў у Рэспубліканскай шкале-інтэранат імя А.Ахрэмчыка. З 1989 года  выкладае ў Акадэміі мастацтваў. За гэты час прыняў удзел амаль у 150 рэспубліканскіх і міжнародных выстаўках. Скульптуры Уладзіміра Слабодчыкава шырока вядомы не толькі у нашай краіне, але і за яе межамі. Яны захоўваюцца ў мезеях і галерэях Беларусі, Расіі, Швейцарыі, Італіі, ЗША  і Кітая, ва ўласных калекцыях ншых краін свету.

Кніга “Уладзімір  Слабодчыкаў. Скульптура”, якую прэзентуе сваім землякам творца, раскрывае яго жыццёвы і творчы шлях, а таксама знаёміць з скульптурнай спадчынай майстра.

Усіх, хто хоча пазнаёміцца з кнігай “Уладзімір  Слабодчыкаў.  Скульптура”  чакаем на прэзентацыі 17 красавіка 2015 года а 15 гадзіне ў зале выставак імя Н.Ю. Сілівановіча ДУ “Вілейскі краязнаўчы музей” па адрасу  г. Вілейка пл. Свабоды, 1. Тэлефон для даведак 5 41 47.