ВЫСТАВА ЖЫВАПІСУ СЯРГЕЯ ІВАНАВІЧА ГАРАЧАВА ТВОРЧАЯ СУСТРЭЧА З МАСТАКОМ АДБУДЗЕЦЦА 28 студзеня а 15 гадзіне

 

З 14 студзеня 2017 годаў выставачнай зале імя Н. Ю. Сілівановіча Вілейскага  краязнаўчага музея пачала працаваць выстава жывыпісу Сяргея Іванавіча Гарачава.

 Нарадзіўся мастак 2 сакавіка1957 года ў Чалябінскай вобласці, Расія. Маляваць пачаў яшчэ ў дзяцінстве, але лёс звязаў зусім з іншай прафесіяй. У 1985 годзе закончыў  Адэскі сельскагаспадарчы інстытут па спецыяльнасці – агранамія. З 1991 года жыве ў аг. Любань Вілейскага раёна.  Доўгі час працаваў землеўпарадчыкаму СПК  “Новая Любанія”.  Але,  любоў да мастацтва,жаданне маляваць, як мага больш, падштурхоўвае змяніць прафесію. З 2004 года Сяргей Іванавіч  працуе настаўнікам па класу выяўленчага мастацтва ў філіяле Вілейскай  дзіцячай школы мастацтваў у Любані.

Гарачаў С.І.  ўпершыню ладзіць персанальную выставу  і прысвячае яе да свайго юбілею.На выставе  прадстаўлена больш за 20 жывапісных работ: пейзажы, партрэт, нацюрморт,  якія адлюстроўваюць творчы шлях мастака. Гэта толькі невялікая частка работ мастака, якія ён стварыў у апошнія гады.Сёння шмат яго мастацкіх твораў  знаходзіцца ў прыватных калекцыях, як на Беларусі, так і за мяжой.

Выстава будзе працаваць да 12 лютага 2017 года.

Запрашаем усіх жадаючых на творчую сустрэчу з мастаком, якая адбудзецца 28 студзеня 2017 года а 15 гадзіне ў выставачнай зале музея па адрасу:

 г. Вілейка,  пл. Свабоды,1.

 Тэлефон для даведак:  54147; 56405.