Адкрыццё выстаўкі “Перазоў стагоддзяў: Першая сусветная вайна і мір сёння”

Будзе: 02 жніўня 2014 года а 16 гадзіне

                                                  
 

 У гэтым годзе мы адзначаем знакавую дату - 100 год з пачатку Першай сусветнай вайны. З гэтай нагоды, 2 жніўня 2014 года  у Зале выставак імя Н.Ю. Сілівановіча ДУ “Вілейскі краязнаўчы музей” адбудзецца адкрыццё выстаўкі  “Перазоў стагоддзяў: Першая сусветная вайна і мір сёння”, якая сумесна з музеем арганізавана грамадскай арганізацыяй “Беларускі Зялёны Крыж”.

Выстаўка стала  вынікам гадавой працы 38 мастакоў з Беларусі, Расіі і Украіны. Яны  з’яўляюцца ўдзельнікамі міжнароднага культурна-асветніцкага праекта з аднаіменнай назвай “Перазоў стагоддзяў: Першая сусветная вайна і мір сёння”. Мастакі знаёміліся з падзеямі Першай сусветнай вайны на Беларускіх землях – у Вілейскім, Смаргонскім і Мядзельскім раёнах у гістарычным кантэксце, праз успаміны аб тых часах і падзеях, рэкрутскія песні, вершы, музыку.

Вынікам праекта сталі  працы удзельнікаў і выстаўка, на якой будуць адлюстраваны падзеі пачатку ХХ стагоддзя, а таксама пагляд мастакоў на водгукі той трагедыі ў сёняшнія дні.

 Чакаем Вас 2 жніўня а 16 годзіне ў зале выставак імя Н.Ю. Сілівановіча ДУ “Вілейскі краязнаўсы музей” па адрасу г. Вілейка пл. Свабоды, 1. на адкрыцці выстаўкі. 

 

Даведка:

Другая Айчынная вайна… Менавіта так,  у 1914 годзе назвалі вайну, якая пачалася. Існавалі і іншыя назвы – Вялікая Еўрапейская вайна, Германская вайна, Мікалаеўская. Потым, у 1918 годзе яе будуць называць сусветнай, а ўжо пасля 1941 года – Першай сусветнай вайной ці Імперыялістычнай.

Першая сусветная вайна доўжылася 1568 дней і начэй, ахапіўшы 3 кантыненты. У ёй прыняло ўдзел 38 дзяржаў з аугльнай колькасцю насельніцтва 1,5 міліарда чалавек. Страты былі вялікія – 10 міліёнаў забітых і памерлых ад ран, 20 міліёнаў параненых.

Для Расійскай імперыі вайна пачалася 19 ліпеня (1 жніўня) 1914 года. На тэрыторыі Беларусі баявыя дзеянні разгарнуліся як раз праз год – у канцы лета 1915 года, у верасні 1915 года, што такое вайна адчула і Вілейская зямля. Амаль тыдзень кайзераўскія войскі ўтрымлівалі станцыю Вілейка. Бой за горад  Вілейку, у верасні 1915 года, гэта слаўная старонка ў гісторыі Рускай арміі.

Да сёняшнега часу беларуская зямля густа ўкрыта яе незажыўшымі ранамі. Гэта шматкіламітровыя акопы,  бліндажы, рэшткі дотаў, старыя насыпы вузкакалейкі. У палях і лясах пад нагамі бывае сустракаюцца старыя патроны, гільзы, часам нават не разарваўшыеся снарады. Часта можна сустрэць ваенныя могільнікі і брацкія магілы тых, хто не вярнуўся з той далёкай вайны.